لكل عشــــــــــاق تــــــــــامر حســــــــــني
--------------------------------------------------------------------------------
حبيبى بعد احتفالية الصبح والناس اللى راحت لتامر وكانت جيالة من سفر
علشان يشاركوة فرحتهم بالشريط الجديد والفيلم الجديد واللوك الجديد وكل الجديد بتاع تامر
ناس كتير راحت لتامر وقابلتة واتصوروا معاة وقسم الأخبار هيتملى داتا
طبعا اللى ماجوش كانوا اكتر من اللى جم
علشان ظروف ان فى كتير مننا فى بلاد عربية مش فى مصر
وفى ناس مكانوش يعرفوا المكان وفى ناس مكانوش يعرفوا الزمان
وفى ناس كان صعب يجوا
تامر فكر فيكو قبل ما يفكر فى اى حاجة تانية
وحملنى امانة اقولهالكو
فرحتى ما بتكملش الا بيكو والنهاردة نورتنونى
انتو عينيا اللى باشوف بيها و جمهورى اللى بيحبنى بجد
اللى طلعنا مع بعض ووقفنا مع بعض وهنكمل مع بعض
يارب الألبوم يعجبكو وكل واحد ماقدرش يجى النهاردة مايزعلش
لو اقدر انا اجيلكو هاجيلكو
يارب تفروحوا زيي بالالبوم واكون اد الأمانة اللى حملتوهانى
لو انا نجم الجيل فانتو نجوم كل جيل وملايكتى واخواتى
الكلام بيهرب منى بس عايز اقولكو
ماتنسوش حب وماتنسوش الوحدة بتقتلنى وماتنسوش اوصفهالك
الأغانى دى معمولة علشانكو وهتفضل حية بيكو
الألبوم الجديد كلنا تعبنا فية وعايز اشكر كل اللى ساعدنى فية
الألبوم دة مش باسمى لوحدى ...الألبوم دة تعب فية ناس كتيرة اوى
من انتاج وموزعين وملحنين
وكل التعب دة علشانكو
الأغانى دى هنغنيها سوا فى حفلاتنا الجاية
هنعيش بجد و هنفرح كمان
ولو حد انتقد الألبوم او قال كلمة عليا ضايقتكو
مش عايزينة يضيع فرحتنا بالالبوم يا جماعة
انتو حاسيين شغلى ومقدرين تعبى
وان الالبوم دة هو اللى بعدنى عنكو وقلل حفلاتى الفترة اللى فاتت
يعنى لازم يكون احسن حاجة عشان يعوضنى بعدى عنكم
يارب احساسى يكون وصلكم
يارب الألبوم يكون عجبكم
حاولت اقدم مزيكا جديدة تعجبكو ....حاولت اعبر عن كل الحالات اللى حاسسها
حاولت اتكلم بلسانك ولسانها
الألبوم مكتوب باسمكم ...الألبوم انا تعبت فية اوى
ومش هيريجنى غير ردود فعلكو معايا لما تقابلونى و تكلمونى
قرب كمان هى كلمة السر اللى باقولها لكل واحد بيحبنى
ويارب كابتن هيما يعجبكو
بحبكو لأخر يوم فى عمرى
وتامر هو تامر بيكو انتو
على فكرة مفيش عرض خاص اتعمل ولا هيتعمل
علشان المشاكل اللى حصلت المرة اللى فاتت
هنحاول نتجنبها المرة دى
بس كل عرض للفيلم هيكون عرض خاص
مادام حد منكم هيكون موجود فية
انتو انا فى القاعات يا جماعة
عايز اعرف ردود فعل الناس وردود فعلكو
اية اللى مش عاجبكو فى تامر واية اللى عاجبكو فيا
اعتبرونى معاكو فى الفيلم
حتى لو واحد دخل الفيلم لوحدة
يعتبرنى قاعد جنبة وباشكرة انة تعب نفسة ونزل من بيتة علشان تامر وحشه
وعايز يشوف كابتن هيما
الكلام ده منتدي تامر نفسه ودي رسـاله منه لكل جمــهوره
Tamer lover رابــطه محبي تـامر حســني
الخميس يونيو 26, 2008 1:10 am
